【撐著妳！】
打咗電話俾佢好多次，成日都冇人聽，頭先佢終於彎住背上嚟中心報平安！(係我教佢每星期最好打一次電話嚟中心報平安嘅！)
佢見到我，好開心！我見到佢，仲開心！
我問佢：「我打咗好多次電話俾妳冇人聽，妳去咗邊度遊埠呀？係咪去咗樓下公園遊埠？」
佢笑到合唔埋個嘴：「唔係樓下公園，我日日去上面街嗰個公園嘅水池邊……乘涼！」
我見佢拎住把舊遮冇柺杖功能，主動送咗把紫色柺杖遮俾佢，加多個小福袋(內含六包即食撈麵)…
佢接過我嘅禮物，眼濕濕又想喊喇！
「阿肥…姑娘，妳對…我…真係好！我成日都掛住妳…」
因為工作崗位調動關係，我唔能夠好似以前一樣上門探佢…
但我轉介咗佢俾我外展同事，由同事繼續上門探訪關顧…
身上著嗰件汗衫唔再穿窿，因為佢已經唔係自己一個！
Search